ប៉េកាំង៖ ទីភ្នាក់ងារសារព័ត៌មានរដ្ឋចិនស៊ិនហួ បានឱ្យដឹងថា អតីតមេដឹកនាំចិនលោក Jiang Zemin ដែលបានដឹកនាំប្រទេសឆ្លងកាត់សម័យផ្លាស់ប្តូរពីចុងទសវត្សរ៍ឆ្នាំ១៩៨០ និងឈានចូលសហវត្សថ្មីនោះ បានទទួលមរណភាពនៅថ្ងៃពុធ ទី៣០ ខែវិច្ឆិកា ក្នុងអាយុ ៩៦ឆ្នាំ។

លោក Jiang បានឡើងកាន់អំណាចបន្ទាប់ពីមានការបង្ក្រាបនៅទីលានធានអានមេន ហើយបានដឹកនាំប្រទេសដែលមានប្រជាជនច្រើនជាងគេលើពិភពលោកឆ្ពោះទៅរកការលេចចេញជាមហាអំណាចនៅលើឆាកពិភពលោក។

យោងតាមការចុះផ្សាយរបស់សារព័ត៌មានស៊ីនហួ លោក Jiang បានទទួលមរណភាពដោយសារជំងឺមហារីកឈាម និងខ្សោយសរីរាង្គជាច្រើន។

Xinhua ដកស្រង់លិខិតនោះថា៖ «សមមិត្ត Jiang Zemin គឺជាអ្នកដឹកនាំដ៏ឆ្នើមម្នាក់ ... ជាម៉ាក្សនិយមដ៏អស្ចារ្យ ជាអ្នកបដិវត្ត ដ៏អស្ចារ្យ រដ្ឋបុរស អ្នកយុទ្ធសាស្ត្រយោធា និងអ្នកការទូត ជាអ្នកប្រយុទ្ធកុម្មុយនិស្តដែលបានសាកល្បងជាយូរមកហើយ និងជាមេដឹកនាំឆ្នើមនៃបុព្វហេតុសង្គមនិយមដ៏អស្ចារ្យជាមួយនឹងលក្ខណៈរបស់ចិន»។

ការស្លាប់របស់លោក Jiang កើតឡើងនៅពេលដែលប្រទេសចិនមើលឃើញការផ្ទុះឡើងនៃការតវ៉ាប្រឆាំងនឹងការរឹតត្បិតសេរីភាដែលបានក្លាយទៅជាការអំពាវនាវឱ្យមានសេរីភាពនយោបាយកាន់តែទូលំទូលាយ ដែលជាការរីករាលដាលបំផុតចាប់តាំងពីការប្រមូលផ្តុំគ្នាគាំទ្រលទ្ធិប្រជាធិបតេយ្យឆ្នាំ១៩៨៩ ដែលត្រូវបានកំទេចនៅឆ្នាំដែលលោក Jiang ឡើងកាន់អំណាច។

ទូរទស្សន៍ CCTV បាននិយាយកាលពីថ្ងៃពុធថា៖ «ក្នុងអំឡុងពេលចលាចលនយោបាយធ្ងន់ធ្ងរនៅក្នុងប្រទេសចិននៅនិទាឃរដូវនិងរដូវក្តៅនៃឆ្នាំ២៩៨៩ សមមិត្ត Jiang Zemin បានគាំទ្រនិងអនុវត្តការសម្រេចចិត្តត្រឹមត្រូវរបស់គណៈកម្មាធិការមជ្ឈិមបក្សដើម្បីប្រឆាំងនឹងភាពចលាចលការពារអំណាចរដ្ឋសង្គមនិយមនិងការពារផលប្រយោជន៍ជាមូលដ្ឋានរបស់ប្រជាជន»។

ទូរទស្សន៍រដ្ឋ CCTV បាននិយាយថា ទង់ជាតិនឹងត្រូវបានបង្ហោះនៅពាក់កណ្តាលបង្គោលនៅអគាររដ្ឋាភិបាលចិន ដើម្បីគោរពវិញ្ញាណក្ខន្តលោក Jiang Zemin៕